DITAELO:
Lephephe le, le arotšwe ka dikarolo tše THARO, e lego ya A, ya B le ya C.
Karolo ya A: Ditaodišo 
Karolo ya B: Ditšweletšwa tša tirišano tše telele 
Karolo ya C: Ditšweletšwa tša tirišano tše kopana 
Bala dipotšišo ka tlhokomelo gore o se hlahlathe.
Araba potšišo e TEE fela karolong ye nngwe le ye nngwe.
Taodišo e rulaganywe ka lenaneo la go swana le mmepe wa monagano GOBA lenaneo leo le ka go thušago go rulaganya. O tla fiwa meputso ya go rulaganya le palobohlatse
Hlokomela morero le sebopego sa sengwalwa se sengwe le se sengwe go ya ka go fapana ga dinyakwa tša sona.
Dingwalwa ka moka di ngwalwe ka Sepedi.
KAROLO YA A: DITAODIŠO
POTŠIŠO 1
Kgetha e TEE ya dihlogo tše di latelago gomme o ngwale mantšu a e ka bago a 200 - 250 ka yona.
Bohlokwa le tlhokego ya polokego dikolong.
O ka bolela ka tše di latelago:
Baithuti ba go tla le diokobatši sekolong
Batho ba go tsena ka sekolong e se baithuti
Go tla le dibetša sekolong
Go se tsene ka diphapošing ka nako ya sekolo THAROLLO
Go be le bahlapetši.
Dikarata tša boitsebišo.
GOBA
Ke ka lebaka leo ke ratago setšo sa gešo.
O ka bolela ka tše di latelago:
Moaparo
Dijo
Ditlwaedi
GOBA
Theknolotši e nolofatša maphelo a batho.
O ka bolela ka tše di latelago:
Inthanete
Metšhene
Dinamelwa
Dikhomphutha.
Diswantšho tše di latelago di ka go thuša.
GOBA
Go kgaolwa ga mohlagase nageng ya gešo.
O ka bolela ka tše di latelago:
Seo se hlolago bothata bja go kgaolwa ga mohlagase.
Bothata bjo bo ama batho bjang.
Bothata bjo bo ka rarollwa bjang.
Diswantšho tše di latelago di ka go thuša.
GOBA
Lefelo la boeti leo ke le ratilego.
O ka bolela ka tše di latelago:
Leina la lefelo le gore le hwetšwa kae.
Dilo tše di go kgahlilego.
Tšeo o ithutilego tšona lefelong leo.
GOBA
Kgethologanyo ga se ya mmala fela.
O ka bolela ka tše di latelago:
Mehuta ye mengwe ya kgethologanyo.
Ditlamorago tša kgethologanyo.
Maikutlo a gago ka kgethologanyo.
Ka fao e ka fedišwago ka gona.
PALOMOKA YA KAROLO YA A:
KAROLO YA B: DITŠWELETŠWA TŠA TIRIŠANO TŠE TELELE
POTŠIŠO 2
Kgetha se TEE sa ditšweletšwa tše kopana tše di latelago gomme o ngwale mantšu a 80 - 100 ka sona.
Toropo ya geno e tletše ka batho ba go rekiša le go šomela mebileng. Ngwala lengwalo la go ya go morulaganyi wa kuranta ya Ntshebele o fe kgopolo ya gago mabapi le taba ye.
GOBA
O feditše beke o etela bokgobapuku. O badile dipuku tše nne tšeo o ipshinnego ka tšona. Kgetha puku e TEE yeo o e badilego gomme o fe ditshwayatshwayo tša yona.
GOBA
Mammule le Ramaesela ba dutše phakeng, ba boledišana ka moo basadi ba laetšago bokgoni maemong ao ba a filwego. Ngwala poledišano yeo.
PALOMOKA YA KAROLO YA B:
KAROLO YA C: DITŠWELETŠWA TŠA TIRIŠANO TŠE KOPANA.
POTŠIŠO 3
Kgetha se TEE sa dingwalwana tše di latelago gomme o ngwale mantšu a 60 - 80, e le diteng fela, ka sona.
O butše kgwebo ya go lokiša dikhomphutha. Ngwala papatšo yeo o tsebagatšago kgwebo yeo.
GOBA
Go na le tlhaelelo ya meetse ka nageng. Ngwala maphephetsebiši ao o tsebišago badudi ba motse wa geno ka bothata bjo. Ba eletše le ka moo ba ka seketšago meetse ka gona.
GOBA
Go na le mogwanto kgahlanong le tlhorišo ya basadi le bana. Bagwanti ba tlo tloga ba le Mabaleng a pontšho ba iša memorantamo Union Building. Mogwera wa gago o rata go ba gona mogwantong woo. O tlo tloga a le kholetšheng ya Thuto. Ngwala ditsela tše NNE tšeo a ka šomišago e tee ya tšona go fihla mabaleng a pontšho. Šomiša mmepe wo o latelago.
PALOMOKA YA KAROLO YA C:
PALOMOKA YA TLHAHLOBO:
